Skip to content
Турскиот министер за внатрешни работи Али Јерликаја потврди дека четири лица загинале, а 14 се повредени во терористички напад во областа Кахраманказан во Анкара.
Тој рече дека нападот е извршен врз компанијата „Turkish Aerospace Industries Inc“ (ТУСАШ), фабрика за авиони, многу важно место за одбраната на Турција.
– Двајцата терористи се неутрализирани. За жал, во нападот имавме четири жртви и 14 ранети, објави министерот и го осуди овој грозоморен напад.
„Нашата борба ќе продолжи со истрајност и одлучност додека не се неутрализира и последниот терорист“, рече тој.
Претседателот на Турција Реџеп Тајип Ердоган го осуди овој напад и потврди дека загинале 4 лица.
Како што објавија локалните медиуми нападот започнал со експлозија.
Според турската приватна телевизија СиЕнЕн-Турк, терористите активирале автомобил-бомба на влезот на комплексот и отвориле оган од огнено оружје. Над областа кружат воени хеликоптери.
Телевизијата ТГРТ извести и за втора експлозија.
Медиумите информираа и дека имало и заложници, но судири помеѓу напаѓачите и безбедносните сили.
Првично беше слушната експлозија на влезот на комплексот, а потоа се слушнале истрели.
Иако се уште нема информации за идентитетот на напаѓачите, според снимките што ги објавија медиумите имало најмалку двајца кои учествувале во нападот – маж и жена, облечени во црна облека. На социјалните мрежи се објавени голем број видеа.
🤔A number of people ‘dead and wounded’ after attack on the premises of the Turkish aerospace and defence company TUSAS near Ankara. pic.twitter.com/5w8kdF94RZ
— Truthseeker (@Xx17965797N) October 23, 2024
ТУСАШ е една од најважните турски компании во областа на одбранбената индустрија и воздухопловството. Компанијата го произведува првиот национален борбен авион на Турција – КААН.
