Кирби: Повеќето забележани се беспилотни летала што работат „легално и законски“

Белата куќа објави дека мистериозните беспилотни летала што предизвикаа паника во делови од САД летале легално, откако новоизбраниот претседател Доналд Трамп посочи дека имало прикривање за тие појави од владата. Трамп рече дека американската влада „знае што се случува“.

Администрацијата на претседателот во заминување Џо Бајден се соочи со зголемени критики за нејасно идентификување на потеклото на леталата, но синоќа отфрли каков било предлог за прикривање.

Портпаролот на Советот за национална безбедност, Џон Кирби, инсистираше на тоа дека владата е „отворена и транспарентна“ и рече дека повеќето забележани се беспилотни летала што работат „легално и законски“.

„Оценуваме дека досегашните видувања вклучуваат комбинација од законски комерцијални дронови, хоби дронови и дронови за спроведување на законот, како и авиони со фиксни крила со екипаж, хеликоптери, па дури и ѕвезди кои погрешно биле пријавени како беспилотни летала“, изјави Кирби на прес конференција.

„Не идентификувавме ризик за националната безбедност или јавната безбедност“.

„Анализата ја направија службениците за спроведување на законот „внимателно ги испитаа податоците, внимателно ги разгледаа советите и ги собраа најдобро што можеме од загрижените граѓани“, рече Кирби.

Највисоките американски функционери претходно отфрлија каква било сугестија за странска вмешаност – вклучително и тврдења дека беспилотните летала се од иранско или кинеско потекло лансирани од „брод“ на море. 

МИА