Skip to content
Холивудските ѕвезди на социјалните мрежи го изразуваат својот страв и загриженост за нивните домови загрозени од разорните шумски пожари што избувнаа во Лос Анџелес во вторникот.
Околу 30.000 луѓе се загрозени од пожарот, кој гори од вторник наутро, додека пламените јазици се заканија да зафатат повеќе од 10.000 домови. Меѓу нив се домовите на најголемите холивудски ѕвезди.
Манекенката Хејли Бибер, сопругата на Џастин Бибер, беше меѓу првите која откри дека пожарот изгорел околу 1.200 хектари шума.
Ќерката на Тревис Баркер, Алабама Баркер, откри дека била евакуирана од нејзиниот „дом поради шумските пожари во Лос Анџелес“ и ги повика другите да се спасат и веднаш да се евакуираат заради безбедност.
Актерката Менди Мур, исто така, беше принудена да го напушти својот дом во Пасадена, Калифорнија со сопругот Тејлор Голдсмит и нивните три мали деца, откако шумските пожари почнаа да се појавуваат во областа во вторникот вечерта, пишува Телеграф.
Областа зафатена од пожарот го опфаќа и просторот каде што се наоѓаат домовите на неколку познати холивудски ѕвезди. Актерите Крис Прат и Рис Витерспун, како и членовите на семејството Кардашијан поседуваат имот во областа, но се уште не е познато дали нивните домови се загрозени.
– Се молиме и им благодариме на оние кои први реагираат – напиша Парис Хилтон и на својот Инстаграм сподели снимка од воздух од неверојатниот пожар во Лос Анџелес.
Една од сестрите на најпознатото семејство во светот, Кардашијан, се огласи на мрежите и им се заблагодари на пожарникарите кои повеќе од 24 часа се обидуваат да ги спасат животите и домовите на многу луѓе.
Студиото Amazon MGM ја откажа премиерата на црвениот тепих на филмот „Unstoppable“ со Џенифер Лопез во главната улога, кој требаше да се одржи во Лос Анџелес во вторник навечер.
Пожарникарите кои се борат со големиот шумски пожар во Пацифик Палисадес во Калифорнија, предупредија дека им снемува вода и резерви, бидејќи предупредувањата за итна евакуација се проширија дури до Малибу и Калабасас. Цистерните полни со вода цело попладне го гаснеа пеколот од небото, но сите авиони сега се приземјени поради влошените услови на ветерот и видливоста.
Извор: informer.rs
