Ибрахимовиќ: Не треба да го убедувам Рашфорд за Милан

Еден од челниците на Милан, Златан Ибрахимовиќ истакна дека нема потреба да го убедува својот поранешен соиграч Маркус Рашфорд да премине во клубот.

Како што е познато, левото крило на Манчестер Јунајтед е главната трансфер цел на „росонерите“ овој месец.

-Многу добро го познавам Рашфорд. Играв со него кога беше млад, а сега порасна и направи големи работи со Манчестер Јунајтед. Мислам дека нема потреба да го убедувам бидејќи Милан е меѓу најголемите клубови во светот и сите сакаат да дојдат тука. Не е лесна операција во моментов, но сè уште не сме разговарале со него. Ќе видиме дали ќе го направиме тоа, изјави Ибрахимовиќ пред синоќешното реми 1-1 со Каљари. 

МИА