Куќата на озлогласениот нацист се отвора за јавноста: Никој не можел ни да претпостави каков „монструм“ се крие зад идилата

Големата куќа со уредена градина која се наоѓа веднаш до Аушвиц се планира да биде отворена за јавноста, објави Си Ен Ен. Во неа идилично живееле озлогласениот командант на логорот Рудолф Хес и неговото семејство.

Токму во овој семеен дом Рудолф Хес, командантот со најдолг стаж на СС во Аушвиц, го смислил најефикасниот начин да ги убие милионите Евреи, Роми, хомосексуалци и политички затвореници кои Третиот рајх наредил да бидат елиминирани. Тој бил тој кој воведел употреба на пестицидот Zyklon B во гасните комори.

Високите дрвја и бетонскиот ѕид го блокирале погледот и ги пригушувале криците што доаѓале од логорот, така што сопругата на Рудолф, Хедвиг и нивните пет деца – Клаус, Хајдетрауд, Брижит, Ханс-Јирген и Анегрет – живееле заштитени од злосторствата извршени на само неколку чекори од нивниот дом.

Децата имале радосно детство. Си играле со желки, мачки, јавале коњи и се капеле во блиската река. Додека од оџаците од концентрационите логори се издигнувал чадот, а илјадници семејства биле убивани во гасните комори, за Хедвиг нивната куќа и дворот биле како „рај“.

Од ослободувањето на Аушвиц во јануари 1945 година, куќата на улицата Легионов бр. 88 станала приватна сопственот на едно полско семејство. Но, минатата година таа била купена од „Counter Extremism Project“ (ЦЕП), невладина организација со седиште во Њујорк која се бори против екстремизмот.

Според Њујорк тајмс, ЦЕП ја купил куќата од нејзината сопственичка, Гражин Јурчак, на која не и се допаѓало да ја ѕиркаат постојано, бидејќи по објавувањето на филмот „Зона на интерес“ на Џонатан Глејзер, награден со Оскар во 2023 година, таа постојано имала неканети гости наоколу.

Филмот е речиси целосно сместен во куќата и нејзината околина.

Идејата зад проектот е да се создаде глобален центар за борба против екстремизмот „во домот на еден од најлошите екстремисти и антисемитисти во историјата“, изјави Ханс Јакоб Шиндлер, виш директор на Проектот за борба против екстремизмот.

Плановите на невладината организација за куќата се, прво, организацијата да се смести во неа и да ѝ биде седиште и да ја отвори за јавноста за 80-годишнината од ослободувањето на логорот на 27 јануари.

Три ипол години, Хес бил командант на Аушвиц, логор во кој беа убиени повеќе од 1,1 милион луѓе, со што Аушвиц станал најсмртоносниот од сите нацистички логори.

По ослободувањето на логорот, тој избегал, но бил заробен една година подоцна и последователно стана првиот човек на толку високо ниво што го призна обемот на масакрот во логорот. Тој сведочеше во Меѓународниот воен трибунал во Нирнберг, а подоцна беше осуден на смрт.

Хос бил обесен во 1947 година на бесилка конструирана специјално за него во Аушвиц.

Преживеаното семејство Хес се дистанцирало од она што го направил нивниот татко и сопруг. Неговата сопруга Хедвиг и ќерката Брижит се преселиле во САД по неговото погубување.

Во интервју за Вашингтон пост во 2013 година, Брижит изјавила:

-Тоа беше многу одамна. Не го направив тоа што било правено. Никогаш нема да зборувам за тоа – тоа е нешто што е во мене и останува со мене.

-Тој имал две страни. Онаа што ја знаев, а очигледно и друга.