(ВИДЕО) Човек заробен во урнатините, шокантно видео по разорниот земјотрес во Бангкок

Најмалку осум лица загинаа во Бангкок кога се урна 30-катница во изградба како последица на земјотресот што денеска го погоди Мјанмар, соопштија службите за вонредни состојби.

Непознат број луѓе се под урнатините, јави Sky News. Како што соопшти Ксинхуа претходно денеска, 43 лица се водат како исчезнати.

Весникот „Каосад“ објави дека најмалку 67 лица се заробени во урнатините на зградата.

„Дури 67 лица се водат како исчезнати по уривањето на зградата на Канцеларијата на Народниот правобранител во изградба во областа Бангси во Бангкок. Само седум успеале да побегнат“, се вели во соопштението, пренесе Танјуг.

Спасувачот Сонгвут Вангпон им изјави на новинарите дека се пронајдени седум преживеани.

Како последица на земјотресот со јачина од 7,7 степени според Рихтеровата скала, потреси се почувствувани во главниот град Најпјдав и најголемиот град Рангун, како и во соседните земји – Бангладеш, Индија, Тајланд, Лаос и Кина.

Најмалку 144 загинати во Мјанмар.