Skip to content
Доналд Трамп ги ослободи паметните телефони, лаптопите и другата потрошувачка електроника од неговите “реципрочни” тарифи, но 46 од 50 кинески производи на кои се потпираат САД сеуште се предмет на тарифи.
Анализата на производи во вредност од повеќе од 1 милијарда долари го покажува потенцијалното влијание на новите мерки врз американските потрошувачи, објави Ал Џезаира.
Зголемување на цената
Повеќе од три четвртини од конзолите за видеоигри, процесорите за храна и електричните вентилатори увезени во САД минатата година се направени во Кина. Оние кои сакаат да купат детски играчки исто така ќе се соочат со зголемување на цените. Кина минатата година произведе 75 проценти од куклите, трициклите, скутерите и другите играчки на тркала продадени на американските потрошувачи минатата година.
Мател, производителот на куклата Барби, предупреди дека може да ги зголеми цените во САД за да го неутрализира влијанието на тарифите, дури и пред последната ескалација на Трамп во тарифната војна.
Калифорниската компанија која ги произведува автомобилите Hot Wheels и играта Uno изјави дека 40 проценти од нејзините производи се направени во Кина.
Одлуката на администрацијата на Трамп да ги ослободи паметните телефони, рутерите, опремата за производство на чипови и некои компјутери и лаптопи од т.н. реципрочни тарифи на Кина дојде по една недела на нестабилност на американските пазари.
Но тарифите на Трамп продолжуваат да ги загрижуваат купувачите кои се надеваат дека ќе купат производи кои сè уште се предмет на 125% тарифи.
Чад Баун, виш соработник на Институтот за меѓународна економија Патерсон, изјавил дека брзината и размерот на мерките значат дека трошоците најверојатно ќе бидат сносени од потрошувачите. Тој додал дека тарифите на Кина биле наметнати “на многу повисоко ниво, многу побрзо и на многу нови потрошувачки производи” кои не биле погодени за време на првиот мандат на Трамп.
“Постои многу поголема веројатност за значително зголемување на цените за потрошувачите кои ги купуваат овие видови на производи денес”, додаде тој.
Овие тарифи значат дека издржувањето на жештината во летото ќе биде скапо за неподготвените Американци, бидејќи девет од 10 електрични вентилатори купени во странство минатата година дојдоа во САД од Кина, како и 40 проценти од автономните клима уреди, а Кина доминира на глобалниот извозен пазар за двата производа.
Американците кои размислуваат за купување на нова микробранова печка, исто така, ќе се соочат со потенцијално зголемување на цените, бидејќи 90 проценти од микробрановите печки увезени во САД минатата година дојдоа од Кина, а Пекинг доминира на глобалниот извозен пазар со три четвртини.
извор: slobodenpecat.mk
