Целосно изгоре детска градинка во Загреб!

Целосно изгоре градинката во загрепската улица Супилова откако во неа избувна пожар. Тој настанал десет минути откако воспитувачката во градинката им го предала на родителите и последното дете кое било внатре.

Подрачјето зафатено од пожарот е целосно опожарено. На фотографиите се гледаат остатоци од мебел и играчки.

„Опожарена е една просторија од 60 метри квадратни, целосно е изгорена со мебелот и детските играчки. Спречивме понатамошно ширење на пожарот на покривот. Интервенцијата е при крај. Никој не беше загрозен, кога стигнавме сите веќе беа надвор и почнавме да го гасиме“, изјави Дамир Рештиорац од Јавната противпожарна служба на Град Загреб за ХРТ.

Воспитувачот за Индекс вели дека пожарот не бил предизвикан од клима уреди, како што објавија некои портали.

„Тоа е лага затоа што тие климатизери не се ни приклучени на струја. Пожарот почна од струјата, од инсталацијата. Тоа е причината и проблемот, бидејќи градинката е реновирана по вашата приказна, но не ги обновиле основните – стари и опасни инсталации.

Причината за пожарот ќе биде позната по истрагата, објави Н1.