За 30 секунди, проверете дали сте во животна опасност: Можете сами да го направите овој тест, без да одите на лекар

Тестот Ромберг е едноставен, но важен невролошки тест што се користи за проценка на рамнотежата и функционалноста на проприоцептивниот систем, делот од нервниот систем што му помага на телото да ја почувствува положбата и движењето без да гледа. Најчесто се применува кај луѓе кои имаат проблеми со стабилноста, а може да се користи и за проверка на трезвеноста, како што често се прикажува во филмовите и сериите.

Како изгледа тестот?

Лицето стои исправено, босо, со споени стапала и отворени очи околу 30 секунди.

Потоа ги затвора очите и се обидува да ја одржи рамнотежата уште 30 секунди.

Во некои случаи, потребна е дополнителна задача, како што е стоење на една нога или одење така да петицата ги допира прстите на другата нога. Тестот се изведува без помош, потпирањето на ѕид или друга потпора не е дозволено.

Резултати од тестот

Позитивен резултат значи дека лицето ја губи рамнотежата со затворени очи, што може да укажува на нарушувања во проприоцептивниот, вестибуларниот или сензорниот систем. Причините може да вклучуваат:

интоксикација со алкохол или дрога

недостаток на витамин Б12 или железо

метаболички нарушувања (дијабетес, срцеви заболувања)

невролошки заболувања како што е Паркинсонова болест повреди на главата и невролошки синдроми (Верников, Мениер, Фридрих)

Негативен резултат укажува на стабилност и добра функција на системот за рамнотежа, пишува Информер.