Во овие месеци се раѓаат најуспешните луѓе: Ако сте февруарско дете, ќе бидете малку разочарани

Истражувачите анализирале во кои месеци се раѓаат најуспешните луѓе

Истражувачите на Mi Heritage спроведоа студија за да видат во кои месеци се родени најуспешните луѓе. За анализата се користени податоци од 1.000 луѓе со 10 различни престижни награди како Греми, Оскари, Светски куп, Мишелин ѕвезда, Златен глобус, Пулицерова награда, Нобелова награда, Букерова награда, Златна палма и Олимписки игри.

Месецот со најмногу лауреати (добитник на некоја престижна јавна награда) и тоа бил април. Дури 99 победници овој месец го прославиле својот роденден. Интересно е што осум од илјада луѓе го делеле истиот датум на раѓање – 27 април.

Ноември бил втор, со 94 родени победници и номинирани. Меѓу нив се и добитниците на Оскар и Златен глобус Ен Хатавеј и Леонардо ди Каприо и добитникот на Мишелин ѕвезда Гордон Ремзи.

Март бил трет најуспешен месец – во третиот месец од годината се родени 92 победници. Овој месец се родиле петкратната добитничка на Греми Мараја Кери, добитникот на Златната палма Квентин Тарантино и повеќекратната шампионка Агњешка Радванска, пишува српски Курир.

Септември, јануари и октомври биле четврти. Според податоците собрани од тимот на Mi Heritage, во секој од споменатите месеци се родени по 90 добитници на различни награди.

Најмалку „популарен“ период за раѓање на успешни луѓе се покажа во февруари – овој месец се родиле 58 номинирани и победници, меѓу кои и Кристијано Роналдо, Џенифер Анистон и Дода.

Резиме за сите месеци: април – 99

ноември – 94

март – 92

септември – 90

јануари – 90

октомври – 90

мај – 85

јули – 80

јуни – 75

август – 75

декември – 71

февруари – 58