Skip to content
Најмалку седум лица загинаа, а 69 се повредени кога патнички воз излета од шините по уривање на мост во Русија доцна синоќа, соопштија властите.
Дел од мостот се урнал, а потоа заедно со неколку камиони паднале на воз што минувал долу, јави руската државна новинска агенција ТАСС. Гувернерот на Брјанската област Александар Богомаз изјави дека меѓу повредените има и две деца. Службите за итни случаи се на лице место, напиша тој на Телеграм.
„Се прави се за на настраданите да им се обезбеди сета потребна помош“, рече тој.
Причината за уривањето на мостот во областа Брјанск во Русија, која граничи со Украина,била експлозија, изјави гувернерот Богомаз, објави Мондо.рс.
🇷🇺 Bridge Collapse in Bryansk Region: Dozens Injured After Suspected Sabotage Hits Passenger Train
— DD Geopolitics (@DD_Geopolitics) May 31, 2025
A major incident occurred in Russia’s Bryansk Region when a bridge collapsed over a moving passenger train near the village of Vygonichi. At the time of the collapse, several heavy… pic.twitter.com/Lq5zNgfWQ3
„Имаше експлозија на мостот на автопатот додека возот се движеше, во која имаше 388 патници“, изјави Богомаз на ТВ каналот Русија 24, пренесе Риа Новости.
Шефот на регионот, на Телеграм појасни дека се хоспитализирани 47 лица, меѓу кои и три деца. Тројца од повредените се во тешка состојба, меѓу кои и едно осуммесечно бебе.
Богомаз рече дека 250 патници од возот по несреќата биле сместени во центар за привремено сместување (TAC), а останатите биле однесени дома од нивните роднини.
Неколку Телеграм канали тврдат дека се работи за саботажа.
Во соопштението објавено на Телеграм, московските железници наведуваат дека мостот се урнал „како резултат на незаконско мешање во работата на транспортот“.
