10 со кромид 360, еспресо 120 денари! Ова е најевтиното место на Јадранот

Иако јуни веќе пристигна, Неум – единствениот град во Босна и Херцеговина што гледа кон морето – сè уште зрачи со необична тишина. Место на врева, мирисот на море и храна се мешаат со  празни шеталишта и мирни плажи.

Градот изгледа како да се буди од сон, без препознатливите летни гужви и динамика што сите ги очекуваат пред главната сезона. За време на викендите, ситуацијата малку се менува, бидејќи тогаш пристигнуваат летувалци од внатрешноста на Босна и Херцеговина, барајќи кратко бегство од градската врева и високите температури. Сепак, во текот на работните денови, Неум изгледа како сè уште да чека на вистинскиот почеток на летото.

Колку што чини?

Цените во Неум се веќе прилагодени на летниот режим и не се разликуваат многу од оние на јадранскиот брег. Еспресото чини околу 120 денари (4 км), капучиното помеѓу 140 и 150 денари (4,50 до 5 км), додека белото кафе и латето се околу 170 денари (5,50 км). Точено пиво може да се најде од 150 до 270 денари (5 до 9 км), а флаширано пиво чини над 210 денари (7 км).

Брзата храна е исто така прифатлива – хот-дог чини околу 150 денари (5 км), хамбургер 230 денари (7,50 км), а чизбургер 240 денари (8 км). Порција од 10 ќебапи чини околу 360 денари (12 км), додека помфритот чини од 120 до 180 денари (4 до 6 км).

За љубителите на пица, маргарита чини околу 450 денари (15 км), капричиоза 510 денари (17 км), додека славонска пица достигнува до 600 денари (20 км).

Иако рестораните полека ги отвораат своите врати, а морето е доволно топло за првите пливачи, препознатливата летна бучава недостасува – редици за сладолед, детски плач од плажите и разновидноста на јазиците на туристите од Европа. Наместо тоа, доминира тишината и повремениот мирис на риба од морето.

Во мај, Неум изгледа како град на одмор – сè е подготвено, но вистинската туристичка сезона сè уште не е започната. Мештаните се надеваат дека доаѓањето на јуни ќе предизвика бран туристи, а со подготвени сместувачки капацитети и богата гастрономска понуда, веруваат дека тоа е само прашање на денови, пишува српски Курир.