(ВИДЕО) Бијонсе за крајот на својата турнеја повторно се обедини со „Дестинис чајлд“

Американската поп-пејачка Бијонсе Ноулс-Картер ја заврши својата турнеја „Каубој Картер“ со впечатлив концерт во Лас Вегас. За последниот настап во саботата навечер, таа повторно се обедини со девојките од својата некогашна ар-ен-би група „Дестинис чајлд“.

@moboofficial A moment for the history books 🙌🏾 Destiny’s Child reunited on the final night of Beyoncé’s record-breaking Cowboy Carter Tour. An unforgettable close to a legendary era. #DestinysChild #CowboyCarterTour #Beyonce ♬ original sound – MOBO

Имено, за време на настапот на стадионот „Алеџијант“, Мишел Вилијамс и Кели Роуланд ѝ се придружија на Бијонсе на сцената по што заедно изведоа неколку од своите најголеми хитови. Во видеата споделени на интернет-просторот, се гледа како триото облечено во златникава облека, се качува на сцената и го почнува својот настап со песната „Lose my Breath“.

@paolatravell Bootylicious in front of my eyes 😭😭😭?? The happiest night of my existence ‼️😭😭😭😭 #cowboycarter #destinychild #beyonce #fyp #kellyrowland ♬ Originalton – Paolatravell

Следеше „Energy“ од претпоследниот албум на Бијонсе – „Renaissance“, па го заокружија повторниот собир со нивниот хит од 2001 година – „Bootylicious“. Ова беше прв повторен собир на „Дестинис чајлд“ на сцената по настапот на Бијонсе на „Коачела фестивалот“ во 2018 година.  

МИА