Skip to content
Пилот на „Американ ерлајнс“ станал вирален на социјалните мрежи откако одбил да полета со авионот полн со патници поради лошо чувство.
Сè се случило на лет од Лос Анџелес до Хаваи, а моментот е снимен во видео објавено на TikTok од корисникот @johnnyjet.
Патниците веќе биле на своите места, а летот сепак бил одложен поради претходни проблеми со моторот. И кога се чинело дека конечно ќе полетаат, капетанот рекол преку звучникот: „Рекоа дека авионот е подготвен, но јас не го чувствувам тоа. И не одам никаде ако не сум целосно сигурен дека летаме во исправен авион“.
Тој објаснил дека е загрижен за притисокот на маслото во вториот мотор, кој „се зголемува“ и дека не е сигурен за состојбата на системот за гориво. Додал дека замената на филтерот за гориво е планирана по враќањето на авионот од Хаваи.
„Знам дека ова е тешко за вас. Можеби немаме друг авион на располагање. Мразам што морам да го правам ова, но ова е една од оние тешки одлуки што морам да ги донесам“, рекол пилотот и им се заблагодарил на патниците за нивното разбирање, барајќи од нив да го напуштат авионот.
@johnnyjet “I’m not really feeling it”: American Airlines pilot cancels plane to Hawaii (twice!) … and passengers actually applaud! #AmericanAirlines #LAX #Hawaii #FYP #ForYouPage #Travel #TravelTikTok #Pilot ♬ original sound – Johnny Jet
Добил силен аплауз
Иако го пропуштиле летот, патниците го наградиле неговиот потег со аплауз.
Коментарите на TikTok биле полни со поддршка: „Ако мојот пилот речеше „Не се чувствувам безбедно“, веднаш би рекол: „Ајде да излеземе надвор““, „Можеби токму спречил трагедија. Подобро какво било чувство отколку фатална грешка“, „Подобро би слушнал „Не одам никаде“ отколку „подгответе се за удар во океанот““, објави Б92.
