Skip to content
Во мирна населба во Нов Зеланд, евидентирана е необјаснива серија кражби. Жителите забележале дека им недостасуваат чорапи, долна облека, играчки, па дури и скапи спортски дресови.
Секој пат, сценариото било исто. Работите исчезнувале од дворот, но ништо особено вредно не било цел на непознатиот крадец, објавува UPI.com.
Како била решена мистеријата?
На почетокот, соседите мислеле дека зад кражбите стојат локални тинејџери, но наскоро станало јасно дека станува збор за нешто сосема друго.
Со текот на времето, мистериозниот крадец станал поснаодлив, а кражбите станале почести, главно во неделите, кога жиците за сушење алишта биле најполни.
На изненадување на локалното население, никој не можел да го пронајде осомничениот. Сè до моментот кога соседите, со помош на социјалните мрежи, конечно ја решиле мистеријата.
Се покажало дека вистинскиот виновник зад исчезнувањето на работите била… мачка!
Популарен крадец
И не било која мачка. Крзненото милениче, сопственост на Хелен Норт, украло 150 различни предмети во изминатите девет месеци.
„Тој е вистински авантурист. Внесува работи во куќата, ги фрла на подот и продолжува да се однесува како ништо да не се случило. Никогаш не знае што да прави со нив, но секогаш носи нови“, изјавила Хелен, која не можела да поверува што собрало нејзиното милениче.
Лео најчесто крадел долна облека, чорапи и спортски дресови. Соседите откриле дека еден од неговите најголеми „улови“ бил плишана змија од 1,5 метри!
„Кога ја донесе змијата, на сите ни беше јасно дека тоа му е омилено нешто. Очигледно го обожаваше она што го украде“, вели Хелен низ смеа.
Така Лео станал познат во локалната заедница, а за негова помош во враќањето на украдените предмети, сопственичка користела локални групи на WhatsApp и Facebook.
