Skip to content
Рускиот претседател Владимир Путин и американскиот претседател Доналд Трамп во понеделник одржаа телефонски разговор, соопшти Кремљ.
Според руското соопштение, разговорот бил деловен, конструктивен и искрен, а двајцата лидери размениле мислења за неколку меѓународни прашања.
Главниот фокус на разговорот биле ситуацијата со Иран и преговорите поврзани со војната во Украина. Трамп повторно ја нагласил својата заинтересираност за брз прекин на огнот и долгорочно решение на конфликтот во Украина.
Покрај тоа, лидерите на Русија и САД разговарале и за состојбата во Венецуела, како и за други меѓународни теми.
Во соопштението се наведува дека Путин и Трамп изразиле подготвеност да ја продолжат редовната комуникација меѓу двете земји.
Телефонскиот разговор меѓу двајцата претседатели траел околу еден час, соопшти Кремљ.
