Aмериканската амбасадорка во Северна Македонија го осуди насилството во Вашингтон

Aмериканската амбасадорка во Северна Македонија Кејт Брнз преку својот профил на Твитер го осуди насилството во Вашингтон.

„Благодарна сум за загриженоста и поддршката од пријателите и партнерите во Северна Македонија кои ја искажаа својата постојана верба во силата и издржливоста на американската демократија.

Знам дека во деновите пред нас ќе бидеме посилни и подобри.

Голема утеха е што овие акти на насилство беа едногласно осудени во САД и низ целиот свет и за неколку часа, нашиот Конгрес го потврди изборот на Бајден за следeн Претседател на САД, а претседателот Трамп вети уредна и непречена транзиција на власта на 20 јануари.

Не може да има изговор за актите на политичкото насилство како нападот во средата врз Капитол“, напиша Брнз.

]]>