Апелација потврди, 19 години затвор за убиството на медицинската сестра на Клиника

Апелациониот суд во Скопје ја потврди првостепената пресуда од 19 години затвор за Никола Кузмановски кому му се судеше за убиство на медицинска сестра. Кузмановски е осуден за кривично дело убиство на бремено лице, објави Телма.

Убиството се случи во јануари годинава навечер околу 19 часот кога медицинската сестра била на дежурство. Дијана била во брак и имала ќерка, но била во љубовна врска со Кузмановски. Таа била бремена, а за тоа знаеле и нејзиниот сопруг и нејзиниот љубовник.

Според обвинителството, смртта на Дијана настапила со задушување со притискање и со затворање со шаката на устата и носот и повреди на вратот. Според одбраната на обвинетиот, пак, смртта настапила како последица на кршење на черепот предизвикан од пад и со задушување. Според нив, тоа бил настан со несреќни околност.