Атланта ја продолжува борбата за плеј офот

Екипата на Атланта во чии редови настапува Македонецот Перо Антиќ ја продолжува борбата за пласман во разигрувањетоза титулата. На гостувањето кај Торонто, Атланта загуби, но и нивниот конкурент за осмата позиција Њујорк ја прекина серијата победи со поразот од Кливленд на домашен терен.

Во тимот на Атланта, Антиќ одигра 26 минути и имаше 10 скокови и четири поени. Најефикасен на натпреварот беше Кајли Ловли од Торонто со 25 поени.

Торонто до победата дојде благодарение на последната четвртина што ја доби со 36:15.

Резултати на ноќешните натпревари во НБА лигата: Торонто – Атланта 96:86, Минесота – Феникс 120:127, Денвер – Вашингтон 105:102, Сакраменто – Милвоки 124:107, Далас – Бруклин 104:107 (продолжение), Њујорк – Кливленд 100:106 и ЛА Лејкерс – Орландо 103:94.

Вечерва се играат десет натпревари: Шарлот – Хјустон, Атланта – Феникс, Мајами – Портланд, Чикаго – Индијана, Мемфис – Минесота, Њу Орлеанс – Бруклин, Оклахома Сити – Денвер, Сан Антонио – Филаделфија, Јута – Детроит и ЛА Клиперс – Милвоки.

Пласман Источна конференција: Индијана 51-19 (победи-порази), Мајами – 47-21, Торонто 39-30, Чикаго 39-31, Бруклин 37-31, Вашингтон 36-34, Шарлот 34-36, Атланта 31-37, Њујорк 29-41,…

Пласман Западна конференција: Сан Антонио 53-16, Оклахома Сити 51-18, ЛА Клиперс 49-21, Хјустон 47-22, Портланд 45-25, Голден Стејт 44-27, Мемфис 41-28, Далас 42-29, Феникс 41-29,.