Богоев: Спречен шверц на 4,4 тона месо од дивеч ризичен по здравјето на граѓаните

Спречен шверц на 4,4 тона месо од дивеч ризичен по здравјето на граѓаните

Мобилен тим на Секторот на контрола и истраги спречи шверц на 4,4 тона месо од дивеч ризичен по здравјето на граѓаните, што возач на камион во сопственост на грчка фирма сакал да го внесе во државава.

Месото од дивеч во вредност од 4 милиони денари, ниту било декларирано во царинската декларација ниту пак превозникот за него имал соодветен сертификат, и дозвола од соодветнаta надлежна институција – Агенција за храна и ветеринарство.

На терминал на граничен премин Табановце, инспектори со скенер извршија контрола која што покажа дека во возилото освен декларираната стока има и друга стока која не е опфатена со царинската декларација. По отворање на возилото во 29 пластични палети е пронајдено замрзнато месо од разен дивеч, зајаци, фазани, еребици, за кои не поседувал никаква документација.

Против сторителот е поднесена кривична пријава заради прекршување на Кривичниот законик.

Еден од најважните приоритети на Царинската управа е заштита на здравјето на граѓаните и безбедноста на општеството, напиша на социјалните мрежи директорот на царина Стефан Богоев.