Skip to content
Земјоделците од здружението „Бело злато“ во текот на вчерашнот ден беа на граничен премин Табановце каде камиони со македонски ориз за извоз во Србија стојат блокирани неколку дена. Тоа е причината зошто земјоделците наидуваат на затворени капии од страна на откупувачите.
-Откупувачите не враќаат назад со тракторите полни со оризова арпа бидејќи неможат да откупуваат. Дел од нив со инспекција се затворени, а други имаат забрана за извоз. Затоа дојдовме на граничниот премин да се увериме во состојбата за која алармираат откупувачите и да испратиме порака до власта да се реши оваа систуација во која најмногу страдаме ние, производителите – изјави Зоран Борисов од земјоделското здружение „Бело злато“ од Кочани.
Откупувачите и извозниците на ориз уште во текот на вчерашниот ден бараа објаснување зошто се создава оваа криза околу извозот на оризот.
-Камионите ги држат цел ден со образложение дека немаме документ за анализа на квалитетот. Барањето е нелогично бидејќи ова е трет камион кој го извезуваме со истиот ориз од истата фирма која претходно има одбиено дозвола за извоз. Зошто сега прави проблем, не знаеме? Ова е на директна штета на земјоделците бидејќи тие чекаат пари од овој ориз за да можат да ја платат жетвата на новата реколта- велат тие.
И натаму остануваат отворени прашањата зошто се создава ваков хаос со откупот на оризот од страна на власта, за чии интереси се прават овие опструкции и дали владата воопшто има намера да им помогне на земјоделците.
