ЦРВЕНИ ЈАЈЦА без трошка ХЕМИЈА: 4 лажици мелена пиперка и сок од вишна ќе направат ЧУДО

Велигден се ближи и затоа е важно да знаете како правилно да ги сварете и обоите јајцата со природни бои

Ова е постапката:

1. Лушпи од кромид

Најстариот начин на боење јајца во црвено. Се што треба да направите е да го наполните тенџерето со лушпи од кромид, да додадете вода (два литра на 10 јајца), две лажици сол и една лажица оцет.

Во оваа вода сварете ги јајцата на вообичаен начин – кога ќе зоврие оставете да се вари најмногу десет минути на умерена температура, па тргнете ги од оган и оставете ги јајцата целосно да се изладат во Лушпи од кромид. Ако лушпите се претежно темни, не ги оставајте премногу долго во вода, бидејќи може да се случи јајцата да станат кафеави.

Доколку сакате вашите црвени јајца да имаат најубави природни дезени, прво украсете ги со билки и завиткајте ги во тенки хулахопки.

2. Сок од вишна

Ако сакате вашите црвени јајца да имаат особено интензивна црвена боја, користете сок од вишна. Постапката е иста како и кај кромидот – во тенџере ставете ги јајцата, прелијте ги со сокот од вишни, со додавање малку сол и оцет. Сварете ги јајцата во сокот и оставете ги да се изладат.

3. Цвекло

Еве начин како да го искористите сокот од цвекло оставен во теглата откако ќе го изедете сочното овошје. Постапката е иста како и за сок од вишна. Ако сакате понежни нијанси на црвено, разредете го сокот од цвекло со малку вода.

4. Мелена пиперка

Во литар вода истурете четири лажици мелена пиперка, додадете малку сол и оцет и сварете ги јајцата. Внимавајте да не користите лута пиперка, бидејќи топлината може да навлезе низ лушпата и во самите јајца.

Правилна постапка при варење

Некои ги варат велигденските јајца петнаесет минути, други по половина час, некои сакат сосема свежи јајца што ги донеле од кокошарникот пред неколку минути, други повеќе сакаат од продавница, а има и такви кои не сакаат да јадат јајца со зелена ивица околу жолчката.

Јајцата не треба да бидат премногу стари, но ако се премногу свежи, ќе биде потешко да се излупат. Ако не сакате премногу време да ги лупете, изберете јајца стари најмалку 7 дена.