Skip to content
Малку е веројатно дека светските кардинали би го избрале првиот папа од Америка, но доколку го направат тоа, 72-годишниот кардинал Џозеф Вилијам Тобин ќе изгледа како најверојатен кандидат, пренесува Ројтерс.
Роден во Детроит, поранешниот глобален водач на големиот католички религиозен ред, познат како редемпторист, престојувал во земји ширум светот и течно зборува италијански, шпански, француски и португалски. Има искуство и со служба во Ватикан и на највисоки позиции во американската црква.
Тобин служел како втор во канцеларијата во Ватикан од 2009 до 2012 година, а потоа бил назначен за надбискуп на Индијанаполис од папата Бенедикт.
Франциск го унапреди во кардинал во 2016 година и подоцна го именува за надбискуп на Њуарк. Во оваа последна улога, Тобин, моќен човек познат по неговиот тренинг режим за кревање тегови, се соочи со еден од најголемите католички скандали во последниве години.
Во 2018 година, тогашниот кардинал Теодор МекКарик, еден од претходниците на Тобин во Њуарк беше сменет од функцијата поради обвинувањата за сексуално недолично однесување со семинаристите. Мекарик негираше дека сторил нешто лошо, поднесе оставка како кардинал, а подоцна беше прогласен за виновен од судот во Ватикан и отстранет од свештенството. Тој почина на почетокот на овој месец.
Тобин доби пофалби за неговото справување со скандалот, вклучително и одлуката за објава на претходно доверливи спогодби постигнати меѓу надбискупијата и наводните жртви на Мекарик. Тобин, најстариот од 13-те деца и лечен алкохоличар, е познат по својот отворен став кон ЛГБТ лицата, пишувајќи во 2017 година дека „во премногу делови од нашата црква, ЛГБТ лицата се чувствувале непожелно, исклучени, па дури и засрамени“. Според неговите зборови, не вкусил ниту капка алкохол цели 29 години, објави Б92.
Joseph William Tobin pic.twitter.com/EQnzDQKaeA
— Cardinali Cattolici (@cardinalichiesa) May 17, 2021
„Њујорк тајмс“ пишуваше за необичниот кардинал во написот „Различниот кардинал“:
„Околу една година, момците во теретана го нарекувале само Џо. Тој кревал тегови во раните утрински часови носејќи шал на глава. Вежбал на елипсовиден тренажер, бришејќи го кога ќе заврши. Потоа еден ден Шон Џери, продавач, го прашал во соблекувалната со што се занимава. „Бев свештеник„ а сега, вели Џери, за да не исплаши никого во близина, рекол „Јас сум надбискупот од Индијанаполис, познат и како кардинал Џозеф В. Тобин, и еден од 120-те луѓе во светот кои ќе го изберат следниот папа“.
Иако е на чело на надбискупијата во Индијанаполис од 2012 година, статус кој обично доаѓа со поволности како возач, тој самиот вози и помага во миењето садови по состаноците за ручек.
„Тој им се претставува на децата во локалното католичко училиште едноставно како Падре Хозе. Се тушира и се бричи во теретана како и секој друг член, а своите пријатели од вежбањето ги нарекува „ Band of Brothers “. Накратко, тој е токму таков водач што папата Франциско го подига за да ја преориентира црквата во САД според неговите приоритети“, пишува Њујорк Тајмс.
