Кочани: Повредено 26 годишно момче во тепачка, противникот го удрил со шипка по глава

Откако вчера попладне, во 12,15 часот, Хируршкото одделение при Медицинскиот центар Кочани во ПС Кочани пријавило дека примило повреден пациент во тепачка, полицијата открила случај во кој повредено е 26 годишно момче.

Имено се работи за Д.К.(26) од с.Спанчево, Кочанско, кој е донесен во болницата со тешки телесни повреди и бил во бесознание, по што истиот е пренесен во Клинички центар Скопје.

Од преземени мерки на полицијата, констатирано дека истиот ден, поради претходна вербална расправија помеѓу Д.К. и Г.Н.(40) од с.Спанчево, Г.Н. со метален предмет го удрил во пределот на главата.

Се преземаат мерки за целосно расчистување и документирање на случајот.