Мајкл Даглас пишува автобиографија

Американскиот глумец Мајкл Даглас, во видеообјава на својот интернет-простор, ѝ соопшти на јавноста и на обожавателите дека пишува мемоари, т.е. автобиографија.

„Здраво на сите! Имам неколку возбудливи вести да ги споделам со вас. Пишувам книга, со голема помош од Мајк Флеминг Помладиот. Го почнавме ова патување пред околу шест месеци и со возбуда објавувам дека книгата ќе биде објавена на 6 октомври“, напиша холивудскиот актер до своето видеообраќање.

Глумецот и продуцент од Њу Џерси, кој во септември лани го прослави 81. роденден, натаму вели дека сѐ тоа му вратило многу спомени, и оти сѐ уште помни доволно.

– Има многу што да се каже – пред да заборавам… Се надевам, ќе уживате читајќи ја и ќе ви даде мал увид во она што го правев изминативе над 80 години, порача тој.

МИА