Милијардер осуден на 24 години затвор за проширување на својот голф терен

Тајландски милијардер се соочува со 24 години затвор за нелегално проширување на својот луксузен голф-центар во заштитени подрачја на природен резерват.

Тајландското обвинителство за борба против корупцијата го обвини тајландскиот магнат за метал и кафе Прајут Махагицири во 2021 година за поткуп на службеници за да добие имотни листови за проширување на својот луксузен голф-центар и резиденција во Маунтин Крик, објави хрватската новинска агенција Хина.

Судот сега утврди дека трансакцијата била нелегална бидејќи 30-те хектари што биле додадени на голф-теренот се во заштитените подрачја на природниот резерват. Теренот се состои од 27 дупки и зафаќа површина од 360 хектари во покраината Након Ратчасима, североисточно од Бангкок.

Неговата ќерка исто така оди во затвор

Судот го прогласи 79-годишниот Прајут за виновен по неколку точки од обвинението, вклучувајќи поткуп и нелегален влез во туѓ имот. Тој бил осуден на 24 години затвор, заедно со уште десет други лица, вклучувајќи ја и неговата ќерка, која била осудена на 12 години затвор.

Челичниот магнат, чие богатство се проценува на 2,6 милијарди долари според Форбс, планира да поднесе жалба. Според Форбс, тој бил десеттиот најбогат човек во Тајланд во 2024 година.

Голфот е една од главните туристички атракции на Тајланд, но екологистите често го критикуваат овој спорт затоа што ги претвора огромните пространства на природата во зелени површини кои бараат интензивно наводнување, објави forbes.n1info.ba