Млечно печиво

Меко, воздушесто и неодоливо вкусно млечно печиво кое совршено се комбинира со појадок, кафе или чај. Благодарение на млекото и путерестиот вкус, ова печиво останува меко и свежо долго време.

Потребни состојки:

• 370 грама брашно
• 150 мл топло млеко
• 100 грама путер/маргарин
• 1 лажичка сол
• 1 лажичка шеќер
• 1 кесичка сув квасец
• 1 жолчка

За премачкување

• 1 јајце
• сусам за наросување

Подготовка: Во длабок сад измешајте ги брашното, солта, шеќерот и сувиот квасец. Додадете го растопениот путер/маргарин и жолчката, а потоа постепено налевајте го топлото млеко и замесете меко и мазно тесто кое не се лепи на рацете. Покријте го тестото и оставете го да нарасне додека не го удвои својот волумен.

На лесно набрашнета работна површина кратко премесете го тестото и поделете го на десетина еднакви делови. Од секој дел оформете топче, а потоа малку развлечете го, оформете го по желба. 

Наредете ги печивата во плех обложен со хартија за печење. Покријте ги и оставете ги да одморат уште 20 минути. Премачкајте ги со изматено јајце, наросете со сусам по желба и печете во претходно загреана рерна на 200°C околу 25 минути, или додека не добијат убава златно-кафеава боја. По печењето, покријте ги со чиста памучна крпа и оставете ги неколку минути да омекнат.

Послужете ги топли и уживајте во нивната мека и млечна структура.

МИА