Моден дуел на првите дами: Брижит Макрон и Џил Бајден во боите на американското и француското знаме

Џил Бајден и нејзината ќерка Ешли Бајден пристигнаа во Франција во тридневна посета за да го прослават враќањето на САД во организацијата на УНЕСКО. Брижит Макрон беше пречекана во Елисејската палата, а тоа беше можност за уште една модна пресметка на двете први дами.

Двете први дами изгледаа многу елегантно во креации со сличен крој, но различни бои. Брижит Макрон носеше бел фустан со темно сини детали на половината и деколтето. Двобојната креација украсена со златни детали во форма на сидро ја потпишува омилениот бренд на француската прва дама Луј Витон, чии парчиња таа редовно ги носи. Фустанот го спои со класичен крој кој ја следи линијата на телото и достигнува до колена со непогрешливи темно сини салонки.

Џил Бајден, пак, избра црвен костим со потпис на модната куќа Скиапарели, составен од здолниште и пократка јакна со големи златни копчиња. Џил и за оваа пригода ги избра своите омилени чевли, моделот J’Adior со потпетица и отворена пeта од модната куќа Диор.

Боите на комбинациите на облека на двете први дами заедно ги сочинуваат комбинациите на бои кои се наоѓаат и на американското и на француското знаме – црвена, бела и сина.

Извор: danas.rs