Наполи избори пласман во осминафиналето од Лига Европа

Екипата на Наполи за која настапува македонскиот интернационалец Горан Пандев избори пласман во осминафиналето на Лига Европа откако вечерва на домашен терен го победи премиерлигашот Свонси со 3:1.

Пандев играше до 59.та минутa кога беше заменет со Марек Хамшик. Головите за Наполи ги постигнаа: Лоренцо Инсиње (17 минута), Гонзало Игуаин (78) и Гохан Инлер (90+3), а за Свонси стрелец беше Џонатан Де Гузман (30). На првиот натпревар резултатот беше 0:0.

На другите натпревари кои завршија беа постигнати следниве резултати: Рубин – Бетис 0:2 (1:1 прв натпревар), Севиља – Марибор 2:1 (2:2), Салцбург – Ајакс 3:1 (3:0), Базел – Макаби Тел Авив 3:0 (0:0), Ајнтрахт Франкфурт – Порто 3:3 (2:2), Шахтјор Доњецк – Викторија Плзен 1:2 (1:1), Лудогорец – Лацио 3:3 (1:0).

Во тек се натпреварите: АЗ – Либерец (1:0 прв натпревар), Бенфика – ПАОК (1:0), Фиорентина – Ејсберг (3:1), Генк – Анжи (0:0),Тотенхем – Днипро (0:1), Олимпик Лион – Черноморец (0:0), Валенсија – Динамо Киев (2:0), и Трбазон – Јувентус (0:2).

Покрај Наопли во осминафиналето се пласираа уште: Бетис, Базел, Порто, Лудогорец, Салцбург, Севиља и Викторија Плзен.