Наполи во следното коло би можел да стане шампион на Италија

Наполи може да стане шампион на Италија во 32. коло од Серија А што ќе се одржи следната недела.

Во дербито на 31.коло, Наполи синоќа како гостин го победи Јувентус со 1:0. Стрелец на голот беше Распадори во 90+3. минута на асистенција на Елиф Елмас.

За да го освојат шампионатот на шест кола пред крајот „Наполитанците“ треба да ја победат Салернитана, а Лацио да загуби или да ремизира со Интер.

Овој трофеј ќе биде прв за Наполи по 33 години. Последен пат клубот стана шампион во времето на Диего Марадона. 

МИА