Откриено: Пет клучни услови за завршување на војната

Иран го отфрли предлогот на Соединетите Американски Држави за прекин на огнот од 15 точки, по што го презентираше својот предлог во кој постави пет услови, пренесува Асошиејтед Прес (АП).
Како што објавија светските медиуми, иранскиот предлог ги вклучува следниве барања:

Целосен прекин на „агресијата и атентатот“ од страна на непријателот;

Конкретни гаранции дека војната нема повторно да му биде наметната на Иран;

Гарантирана и јасно дефинирана воена компензација;

Крај на војната на сите фронтови, вклучително и за сите групи на отпор во регионот;

Меѓународно признавање и гаранции за суверената власт на Иран над Ормутскиот теснец.

Иранската државна агенција ФАРС претходно денес објави дека земјата не го прифаќа прекинот на огнот бидејќи „не е логично да се влегува во таков процес со оние што го кршат договорот“.
Техеран потврди за Ал Џезира дека го добил мировниот план од 15 точки на американскиот претседател Доналд Трамп, но го опиша како „екстремно максималистички и неразумен“.

Изворот вели дека она што е прикажано во некои медиумски извештаи не ја одразува точно суштината на предлогот.

„Не е убаво ниту на хартија“, додаде изворот, нарекувајќи го планот погрешен и несовршен во неговата презентација.

Трамп во вторникот изјави дека САД и Иран во моментов се во преговори. Сепак, Иран негираше дека има какви било разговори, објави Б92.