Папата Лав XIV го прашале дали ќе ја посети Америка, неговиот одговор на Трамп сигурно нема да му се допадне

За време на средбата со новинарите во ватиканската дворана на Павле VI, прва откако е избран за папа на конклавата, Лав XIV разговараше со претставниците на медиумите за одговорноста за пишаниот збор, апелираше до нив да бидат миротворци во нивната работа(„Мирот започнува со секој од нас, мора да кажеме „не“ на војната со зборови и слики“) и повика новинарите ширум светот да се ослободат.

На крајот тој одговорил на неколку прашања, а меѓу најинтересните биле оние за плановите за патување. Конкретно, новинарите се интересирале дали папата Лав XIV наскоро ќе отпатува во родните Соединети Американски Држави.

„Не верувам“, кратко одговорил 69-годишниот поглавар на Католичката црква, пренесува Јутрањи лист.

Овој одговор сигурно нема да му се допадне на американскиот претседател Доналд Трамп, кој на 15 минути по изборот на Превост на социјалните мрежи ја најави средбата со римскиот бискуп.

„Каква возбуда, каква голема чест за нашата земја. Со нетрпение очекувам да се сретнам со папата Лав XIV, тоа ќе биде многу значаен момент!“, напиша тогаш Трамп.

Сепак, папата потврди едно патување. На крајот на овој месец тој ќе замине во Турција, поточно во Никеја, за да ја прослави 1700-годишнината од Првиот Никејски собор. Пред да се разболи, папата Франциско го потврди неговото доаѓање таму, па новинарите го прашаа неговиот наследник дали тоа се уште е во план.