Победа за Јотовски, пораз на Дургути во Шарм Ел Шеик

Македонските тенисери со променлив учинок ги одиграа мечевите од првото коло на фјучрс турнирот Ф9 во Египет, што се игра во Шарм Ел Шеик.

Томислав Јотовски со 2:0 (6:2 и 6:3) во сетови го победи Франческо Безире од Италија.

Во следното коло Јотовски ќе игра со победникот од мечот Стефан Фиакан (Швајцарија) и Клаудио Фортуна (Италија).

Силен отпор во мечот со првиот носител Мохамед Сафват од Египет (210.место АТП листа) пружи Бесир Дургути. Тој имаше прдност во првиот сет, но подоброрангираниот противник успеа да го добие првиот сет со 7:5 во гемови, а потоа беше убедлив во вториот со 6:1.