Победи за Лирија и за Кожув на стартот од Суперлигата

Екипите на Кожув и на Лирија со победи го почнаа делот од шампионатот во Суперлигата во кошарка.

Во првото коло Лирија на домашен терен го победи Куманово со 77:66. Победникот беше решен во последниот период, кои домашните играчи го добија со 24:15.

Најефикасен кај Лирија беше Бојан Трајковски со 22 поена, додека кај кумановчани најпрецизен беше Урош Луковиќ со 19.

И на дуелот во Струмица победникот беше решен во последната четвртина. Кожув славеше над Струмица со 86:81, а последниот период гевгеличани го добија со 29:23.

Александар Мареља од Струмица со 23 поени беше најефикасен, а Димитар Караџовски во редовите на Кожув постигна 19.

Дербито на колото се игра в среда, а ќе играат МЗТ Скопје Аеродром и Работнички. Почетокот на натпреварот е во 17 часот и 30 минути.