Skip to content
Турција со години се бори со висока инфлација. Нејзините ефекти се одразуваат и во туризмот, кој забележа значителен пад на туристичките посети. Едно такво место е Мармарис. Туристите известуваат дека некогаш популарното одморалиште сега се претворило во град на духови. На ова укажуваат, меѓу другото, пустите плажи и празните ресторани и ноќни клубови.
Во последните денови, интернетот е преплавен со бран видеа и објави кои прикажуваат темна слика за турскиот туризам. Посетителите и инфлуенсерите ги предупредуваат другите за оваа ситуација. Туристите велат дека цените „скокнале кон небото“, што ги оневозможува да го поминат одморот таму.
Дури има и профили на Инстаграм на кои се објавуваат високи цени во турските одморалишта. Меѓу нив, најмногу се издвојува Мармарис, град кој порано беше полн со енергија и привлекуваше многу луѓе секоја година, не само поради погледот, туку и поради прифатливите цени, пишува Мондо.
„Бев таму минатата година. Потрошив околу 2.400 евра, иако имав сè вклучено. Никогаш повеќе“, напиша еден британски турист.
И покрај сè, Турција останува привлечна дестинација, особено за туристите од Централна Европа. Според експертите, цените на пакетите со сè вклучено се зголемиле само за 1 процент, што сепак ги прави конкурентни во споредба со другите популарни земји. Сепак, ситуацијата е полоша каде што мора да платите цело богатство за атракции и храна.
