Последен рок за субвенции за лозарите

Лозарите ќе добијат дополнителни два денари субвенција за килограм винско грозје. Право на користење на овие пари ќе имаат земјоделците со лозови насади, и остварено и предадено производство во регистрирани винарници.

И винските визби кои имаат насади имаат право на овие субвенции доколку грозјето го искористиле за сопствени потреби.

Денеска е последниот ден за доставување на барањата кои се поднесуваат по електронски пат во подрачните едници на Министерството каде што е регистрирано земјоделското стопанство. Во прилог на барањето се доставува и потврда за предадените количества.

Без разлика на сортата лозарите и годинава ќе можат да користат и финансиска помош за оддржување на насадите.

.