Приказната на Игор Стрезовски: Од туршија на пазар до сериозен семеен бизнис

Прекрасна туршија од разновиден зеленчук , привлечни есенски бои и свежина во изобилие. Почнувајќи од  зелка (расол), карфиол, моркови, корнишони, лути феферони, пеглани пиперки па дури и специјалитеи како  полнети пиперки со изварка, кисела руска салата,полнети модри патлиџани…и сето тоа за 100-120 денари за килограм.

Човек  ќе застане тука и прво неколку минути разгледува, а потоа  тешко дека ќе може да се одлучи само за еден производ. И сите овде знаат дека Игор самиот го произведува зеленчукот, одредени количини ги продава свежи , а во есен тој прави вкусна  домашна туршија.

Кога го прашавме  од кога се занимава со оваа работа тој се насмевна и ни рече: -Јас од кога знам за себе сум овде на битолскиот пазар. Како мал доаѓав со баба ми и продававме свеж зеленчук. Моите повеќе од 50 години се ,,бавчанџии. Потоа работата ја превзедов јас. Некои од муштериите ме знаат од дете, а постарите муштерии ги праќаат своите деца и внуци кај мене. Домашна туршија започнав да правам со помош на мајка ми ,по нејзиниот домашен рецепт пред повеќе од 15 години.

Од скромно домашно производство, денес Игор произведува прилично големи количини на туршија. Речиси цела есен и зима битолчани купуваат кај него. Има свои пластеници  на површина од околу  2,5 декари и околу 20 декари  отворени површини  на кои  одгледува најразновидни  видови на градинарски производи. Тој постојано ни раскажува за свежиот зелнчук, а ние се некако околу туршијата….

– Ако ме прашувате за плановите ,  уште е рано да ви кажам, но планирам да се проширувам. Свесен сум за кавалитетот на мојата туршија , за тоа  зборуваат муштериите. Можам да произведувам и повеќе и токму кон тоа се насочени моите идни планови. Веќе започнав со изградба на поголем објект кој би требало моето скромно произвотство  да го донесе на едно повисоко ниво. Но за сега тоа се само мои идни планови. Не сакам многу да зборувам за тоа…ќе покаже  времето.

Се поздравивме со Игор ветувајќи му дека доколку му е потребен совет за во иднина, Агротим е тука за поддршка. Вакви успешни млади луѓе се секогаш предизвик и мотив повеќе за нас. Агротим со поддршка на земјоделските производители кои сами продаваат на пазарите. Земјоделци, праќајте ни ваши фотографии од производството и тезгите на пазарите каде ги пласирате производите. Да го промовираме вашиот труд и домашното производство на храна. Извор: Агротим.мк]]>