Рада Манојловиќ за односот со Цеца и Драгана Мирковиќ: „Кога некого сакаш малку повеќе, се подразбира дека го мразиш оној другиот“

Подолго време во медиумите се шпекулира дека Рада Манојловиќ не е во добри односи со фолк ѕвездата Светлана Цеца Ражнатовиќ.

На овие приказни им стави крај кога неодамна се појави во емисија на Цеца, а за Гранд проговори за односот со колешката.

Рада во разговорот истакна дека омилена пејачка и е сепак Драгана Мирковиќ, но дека ја цени и почитува Цеца, но и другите постари колешки.

– Понекогаш ми е непријатно кога некој ќе каже дека Цеца, Брена, Драгана и јас сме колешки. Јас многу добро знам каде се тие и каде сум јас и треба да се наречам нивни колешки. Голема чест е, тие се наши најголеми диви и ѕвезди, треба да учиме од нив и тие да ни бидат пример – изјави Рада за Гранд и додаде:

– Од настапи, песни, пристап до кариера. Отсекогаш ми било криво тоа што кога сакаш некого малку повеќе, се подразбира да го мразиш оној другиот. Не го разбирам тоа, не сум воспитана така. Јас на пример навивам за Партизан, некако кога игра Звезда, навивам за нив, имам песна Маракана. Дури и кога играат Звезда и Партизан, јас не ги ни гледам. Никогаш не сум бил таква ако сакам некого, треба да мразам некој друг или да го сакам помалку.