Ракометарките на „поправен“ дуел против Русија

Женската ракометна репрезентација на Македонија попладнево против Русија ќе го одигра вториот натпревар во квалификациите за Европското првенство што во декември годинава ќе се одржи во Унгарија и во Хрватска.

Избраничките на селекторот Ристо Магдинчев ќе се обидат да го поправат впечатокот по првиот дуел одигран пред три дена во Ростов, каде беа убедливо поразени со 13 голови разлика (36:23).

Почетокот на натпреварот, кој ќе се игра во СРЦ „Кале’’ е во 17:45 часот. Ова е натпревар од седмата квалификациска група во кој е и репрезентацијата на Германија против која нашите ракометарки во јуни ќе играат дво-меч.

На табелата води Русија со 4 бодови по три одиграни натпревари, Германија освои 2 (2 натпревари), а Македонија се уште е без освоен бод.