Санкционирани 158 возачи за пребрзо возење на територија на СВР Тетово

На подрачјето на Секторот за внатрешни работи Тетово, вчера,  од 13 до 19 часот, во спроведена акциска контрола за брзо возење, биле изречени вкупно 158 мерки (ТЕ-120 и ГВ-38).

– При контролата биле откриени и санкционирани 119 возила, односно возачи (ТЕ-81 и ГВ-38) кои ја пречекориле максимално дозволената брзина надвор од населено место. Од нив, шест возачи (ТЕ-2 и ГВ-4) пречекориле за повеќе од 70 километри на час, 31 (ТЕ-18 и ГВ-13) за повеќе од 50 километри на час и така натаму. Покрај ова, санкционирани се и 39 (ТЕ) пречекорувања на пропишаната брзина во населено место, како и 10 други видови сообраќајни прекршоци (ТЕ-7 и ГВ-3), известуваат од полицијата.

На сите прекршители изготвени им се поднесоци со парични глоби кои, зависно од големината на пречекорувањето, се движат од 45 до 400 евра во денарска противвредност.

– На оние кои пречекориле за над 50 и 70 километри на час, во или надвор од населено место, времено ќе им бидат одземени и нивните возачки дозволи од три месеци до една година, соопштуваат од МВР.

МИА