СДСМ: Европа во Извештај на ЕП ја кажа поврзаноста на ДПМНЕ со „српскиот свет“

Не само СДСМ, туку Европа ја покажа поврзаноста на Владата на ДПМНЕ со „српскиот свет“ и негативностите за Македонија од тоа.

Во ставот 28 од Извештајот на Европскиот парламент, се истакнува дека Македонија и земјите од Западен Балкан се „особено погодени од странско мешање, хибридни закани и дезинформации, особено од Русија и Кина“.

Се изразува и аларм за улогата на Унгарија и Србија во поддршка на геополитичките цели на Москва и Пекинг, при што се спомнува и неодамнешниот заем од Унгарија, кој наводно, потекнува од кинески извори.

Во членот 35 се изразува загриженост поради т.н. проект „српски свет“ и фактот што некои претставници на Владата на Северна Македонија застапувале и промовирале ваков концепт.

Значи, се споменува многу конкретно концептот „српски свет“ и тоа во институцијата на ЕУ од највисок ранг.

Граѓаните многу добро ја гледаат поврзаноста на ДПМНЕ на Христијан Мицкоски со СНС на Вучиќ и Фидес на Орбан.

Денеска претседателот на СДСМ кажа дека ДПМНЕ веќе го започна „српското сценарио“ во Македонија.

Лажни вести, политички прогон, напад на новинари, се е тоа едно исто, копи-пејст.

Токму денеска за време на посетата на Вучиќ на Брисел, Претседателката на ЕК, Урсула вон Дер Лајен ги потенцираше владеењето на правото и слободата на говор.

Веднаш после тоа за прв пат белградската полиција се јави во врска со нападот на новинарската екипа на N1 која се случи пред одреден период.

Дали е ова случајно? Да се случи напад и на новинарите на Инфомакс.

Дали толку многу исти работи може да се случат во ист ден?

Киртика на Вон Дер Лајен за слобода на говор во Србија и напад на новинари на Инфомакс во Македонија?

Дали работите кои се случуваат во Белград и Скопје се водат од еден ист центар?

Што е целта на ова? Србија одамна е изолирана од ЕУ, а Македонија од ЕУ ја изолираше ДПМНЕ .

Црната точка на Европа, ВМРО-ДПМНЕ ја прошири со Македонија.

Сè е јасно, порачаа од СДСМ.