Skip to content
Земјоделците очекуваат од Владата можност преку постапка за легализација односно утврдување на соспственичкиот статус да станат сопственици на тракторите, тракторските приколки, мобилните машини, мотокултиватори, приколки за домување, како и возила од категориите О1, О2 и L и да можат да ги вклучат во сообраќајот на патиштата како безбедни за намената која ја имаат.
– Ваква можност да ги легализираме тракторите и другата механизација имавме два пати, но не успеавме сите да ја завршиме постапката, требаше да бидеме поагилни. Затоа сега бараме од Владата да ни излезе во пресрет и да ни даде некој рок од 6 месеци до една година да ја завршиме оваа процедура. Го известивме и министерството за оваа потреба и мислиме дека ќе ни се излезе во пресрет – вели за Агротим Гоце Серафимов од Асоцијацијата на земјоделци.
Земјоделците уште еднаш потенцираа дека имаат проблем околу документацијата на тракторите кои ги поседуваат, а со заострените законски критериуми ќе се оневозможи нивното користење, ако не ги легализираат.
извор: Agrotim.mk
