Skip to content
Веројатно веќе сте доживеале ситуација додека миете голема количина садови, водата во мијалникот едноставно да престане да тече, а одводот испушта чуден звук, како да клокоти.
Постои лесен начин да се исчисти затнатиот одвод без да се користи досега добро познатата мешавина од сода бикарбона и оцет.
Главната причина за затнатите одводи се остатоците од храна, детергентот и масните наслаги кои влегуваат во цевките секојдневно и на крајот ги затнуваат.
Зошто не сода бикарбона и оцет?
Оваа комбинација на сода бикарбона и оцет не секогаш е ефикасна, особено не кога причината се маснотиите. Тоа е затоа што содата бикарбона е основа, а оцетот е киселина, а нивната хемиска реакција создава вода со мала количина сол, а не средство за чистење на одводот.
Иако сода бикарбоната и оцетот се многу популарни состојки кога станува збор за чистење без хемикалии и можат да бидат одлични за отстранување на дамки, тие не можат да ги разградат маснотиите, маслото или мастите кои го предизвикуваат затнувањето на одводот.
Двете состојки може да го отпушат одводот, но ниту содата ниту оцет не можат да го растворат лошото затнување, а премногу сода бикарбона во цевките може дури и да ја влоши ситуацијата.
Се што ви треба е мешавина од течност за миење садови и врела вода.
Имено, детергентот е дизајниран да ги разградува маснотиите, па брзо ќе ја раствори насобраната маст, додека топлината од зовриената вода ќе помогне да се олабават наслагите во цевките.
Како да направите мешавина?
Околу половина литар или литар вода ставете да зоврие, во зависност од големината на вашиот одвод, а потоа додадете околу 120 ml течност за миење садови.
Оставете го детергентот да отстои во водата неколку минути, а потоа внимателно истурете ја топлата смеса во одводот и почекајте неколку минути да помине низ цевките.
Наскоро ќе забележите дека водата почнува да истекува побрзо, оставајќи го вашиот мијалник чист и функционален.
Ако водата сè уште полека истекува, повторете ја постапката неколку пати.
