Сообраќајка во Скопски Аеродром, автомобилот превртен на покрив

Возач е полесно повреден во сообраќајна несреќа која се случи вечерва во скопската населба Аеродром во близина на „Мајчин дом“, јавува 24 Вести.

Возачот со автомобил марка „Шкода Октавиа“ со скопски регистерски таблици, возел од Бисер кон Железничката станица во Скопје и сакајќи да избегне директен удар во дете, изгубил контрола и автомобилот се превртил на покрив.

Според очевидци, возилото се движело на булеварот Јане Сандански со повеќе од 100 км на час.

Полицијата извршила увид, а повредениот возач е пренесен во болница. Нема други повредени.