Средношколци од СОУ „Никола Карев“ од Скопје ќе го посетат Собранието во рамките на едукативниот настан „Имам став!“

Средношколци од СОУ „Никола Карев“ од Скопје денеска ќе го посетат Собранието на Република Северна Македонија за едукативната активност „Имам став!“, организирана од Парламентарниот институт.

„Имам став!“ е активност наменета за ученици од средните училишта во државата и претставува симулација на процесот на разгледување предлог-закон во Собранието.

– Целта на „Имам став!“ е приближување на работата на Собранието и на процесот на донесување закони до младата популација, што ќе придонесе за развивање на нивната свест за демократијата и ќе ги поттикне и подготви за општествена и политичка критичност и вклученост – соопшти собраниската прес-служба. 

МИА