Стигнало писмо до Трамп, Зеленски се извинил за кавгата во Овалната соба?

Специјалниот пратеник на американскиот претседател Доналд Трамп, Стив Виткоф, изјави дека украинскиот претседател Володимир Зеленски испратил писмо со извинување до Трамп по јавниот расправија за време на состанокот во Овалната соба на Белата куќа.

„Зеленски испрати писмо до претседателот. Тој се извини за инцидентот што се случи во Овалната соба“, изјави Виткоф денеска за Фокс њуз и додаде: „Мислам дека тоа беше важен чекор, и имаше и многу разговори меѓу нашите тимови, Украинците и Европејците кои се исто така релевантни за оваа дискусија“.

Американски и украински претставници денеска се сретнаа во Саудиска Арабија за да ги продолжат мировните преговори за ставање крај на војната со Русија.

Виткоф истакна дека писмото со извинување до Трамп го смета за „прогрес“.

Во своето заедничко обраќање до Конгресот, Трамп рече дека добил писмо од Зеленски во обид да се подобрат односите меѓу двете земји.

Трамп изразил благодарност за писмото, кое дојде само неколку дена откако САД ја прекина воената помош за Украина, пишува Б92.