Skip to content
Бројот на повредени во вчерашниот судир на два трамваи во Стразбур се зголеми на 68, покажува најновиот извештај на локалните власти.
Трамваите се судрија во тунел во близина на главната железничка станица во Стразбур, една од најпрометните во Франција, по Париз.
„Во несреќата се повредени 68 лица, но никој не е тешко повреден“, соопшти префектурата Долна Рајна, чиј главен град е Стразбур.
Од несреќата неповредени излегле стотина патници.
Според првичните резултати од истрагата, еден трамвај се лизнал наназад на угорницата и удрил во трамвајот зад него, што стоел.
Трамвајот, што застанал пред следната станица поради гужва и застој на шините, од непозната причина тргнал наназад.
Обвинителството покрена истрага за утврдување на причините за несреќата и изнаоѓање докази за евентуална кривична одговорност.
Two trains collided in Strasbourg, France 🇫🇷, deaths and injuries reported. pic.twitter.com/Blv4PLWTe8
— Sankaka (@kakabrasa) January 11, 2025
Трамвајскиот сообраќај на оваа пруга е во прекин и нема да продолжи во следните неколку часа, соопштија од градските железници (ЦТС).
Патрик Мацијевски, претседател на ЦТС, рече дека ќе треба да се утврди зошто дошло до несреќата.
-Засега се уште не знаеме дали се работи за човечка грешка или се работи за материјално-технички проблем, изјави Мацијевски.
Тој посочува дека превозот со трамвај е најбезбеден бидејќи можат да возат најмногу до 70 км/ч, а во најтесниот дел од градот брзината е ограничена на 30 км/ч.
ALERTE – Collision entre deux tramways dans le tunnel de la gare de #Strasbourg. Des dizaines de blessés. Les secours affluent en nombre sur place. (@Samstark75 / France 3) pic.twitter.com/oATObaIWbj
— Infos Françaises (@InfosFrancaises) January 11, 2025
Стразбур беше првиот голем француски град кој во 1994 година ги врати во употреба трамваите и оттогаш немаше поголеми несреќи.
фото:Х
МИА
