(ВИДЕО) На доделувањето на Оскарите Морган Фримен шокираше со новиот изглед: Се појави ќелав

Актерот Морган Фримен (85) ги загрижи неговите обожаватели откако на Оскарите изгледаше непрепознатливо. За време на доделувањето на наградата заедно со актерката Маргот Роби (32) тој се појави со нова фризура, односно ќелав.

Морган на сцената се појави во црн костум заедно со актерката Маргот и носеше компресивна ракавица до лактот на неговата парализирана лева рака. Ракавицата ја носеше и на отворањето на Светското фудбалско првенство во Катар на 20 ноември, кога одржа говор.

Покрај ќелавата глава, за гледачите нови беа и неговите сиви мустаќи и сребрените обетки.

Во 2008 година Фримен имаше сообраќајна незгода, откако неговиот автомобил се превртел неколку пати на автопат во Мисисипи. Лекарите рекоа дека состојбата ќе му се подобри, но за жал левата рака на актерот остана неподвижна поради тешко оштетување на нервите. Морган сега носи ракавица за компресија за да продолжи крвта да му циркулира.

„Ќелавиот Морган Фримен е најверојатно најзбунувачкото нешто што го видов годинава“, коментираше еден фан.