(ВИДЕО) Полиција се уште трага по учесниците во вооружениот инцидент во Брисел 

Бриселската полиција се уште трага по двајца осомничени кои утрово околу 6.15 часот отвориле оган од автоматско оружје во бриселската населба Андерлехт, по што влегле во метро станицата „Клемансо“, од каде се претпоставува дека побегнале преку тунелите на подземната железница. 

– Се уште никој не е уапсен. Истрагата продолжува, засега нема индиции дека ова пукање има терористички мотиви, изјави претставник на полицијата за телевизијата ВРТ.  

Според истиот извор, спроведена е истрага на местото на кое се случил инцидентот, каде се пронајдени „неколку чаури“. 

La vermine gangrène #Bruxelles. Le Gouvernement Arizona va prendre les mesures pour nettoyer les rues. Ce sont les bandes criminelles et les racailles qui doivent avoir peur. Vous n’aurez pas une seconde repos.
Pendant ce temps, certains estiment ne pas devoir faire un… pic.twitter.com/z3VmRdO30y

— Georges-L BOUCHEZ (@GLBouchez) February 5, 2025

На снимките од видео надзорот се гледаат две лица со качулки вооружени со „Калашникови“ како влегуваат во метро станицата „Клемансо“ околу 6:15 часот. Набрзо тие излегуваат од станицата и стрелаат неколку пати од автоматското оружје. Целиот инцидент трае околу 20 секунди, по што двајцата „пукачи“ одново влегуваат во метро станицата.  

Жител од реонот на инцидентот за ВРТ изјави дека слушнал пет или шест истрели. 

Полицијата се уште не соопштува детали за осомничените, но според медиумите, тие веројатно пукале кон трето лице и дека целиот случај е поврзан со шверц на дрога. 

Поради инцидентот на неколку часа беа во прекин две линии на бриселското метро, како и трамвајскиот сообраќај во околните реони. Попладнево сообраќајот е нормализиран. 

МИА