Skip to content
Прес конференција на пратеникот и претседател на СДСМ Битола, Васко Ковачевски:
Денес, повторно, комбинатот РЕК Битола е во тотален колапс.
Сите три блокови не работат и се надвор од функција.
СДСМ во изминатиот период предупредуваше за она што денес се случи.
Бидејќи повеќе од 80% од вкупното производство на електрична енергија во земјава го произведува овој комбинат, јасно е дека со ваквата состојба во РЕК Битола, како и неработењето на РЕК Осломеј државата се потпира само на производство од хидроелектраните.
Малиот капацитет на хидроелектраните доведува да мора да се врши интервентен увоз на скапа струја, а сметката на крајот ја плаќаме, сите ние граѓаните.
И покрај поторошените стотици милиони евра за реконструкции, ремонти и слично, во РЕК Битола постојано има испади и долгорочни дефекти на термоелектраните на комбинатот.
ЕЛЕМ довзолува постојан пад на производството и не инвестира во основната дејност, но затоа фрла 14 милиони евра за рајски градини со мајмуни и желки во скопски Аеродром.
Со ова се потврди дека овај менаџерски тим, поставен од ДПМНЕ, во ЕЛЕМ и во РЕК Битола не е кадарен и компетентен да го води електроенергетскиот систем на Р. Македонија.
Од ваквите состојби единствено добивка имаат партијата на власт ДПМНЕ, Никола Груевски и неговите најблиски соработници.
За нивната неодговорност цената ја плаќаат граѓаните, кои ќе им ја испорачаат сметката на следните демократски избори кога ќе дојдат промените за подобра Македонија.
